28
|
1. Aelodaeth y Grŵp a
deiliaid swyddi
Cadeirydd:
Aled Roberts Ac
Ysgrifennydd:
Jackie Radford - Swyddfa Aled Roberts
Aelodau:
Jeff Cuthbert AC – (Labelu a bwyta allan)
Llyr Gruffydd AC– (Prisiau bwyd heb glwten)
Mike Hedges AC – (Gwarant a phresgripsiwn bwyd heb glwten)
Mark Isherwood AC – (Ymchwil)
Rhun Ap Iorwerth AC – (Diagnosis ac ôl-ofal)
Carole Carpenter – Grŵp Cymorth Gwirfoddol Lleol Clwyd
Dr Dai Lloyd – Llywodraethwr, Coeliac UK
Dr Geraint Preest – Golygydd Gofal Sylfaenol y BMJ – Archwilio.
Graham Phillips- Grŵp Cymorth Gwirfoddol Lleol Abertawe
Henry Wilkins – Grŵp Cymorth Gwirfoddol Lleol Caerfyrddin
Dr Huw Jenkins - Gastroenterolegydd Pediatrig Ymgynghorol, Prifysgol ac
Ysbyty Cymru,
Jean Dowding- Grŵp Cymorth Gwirfoddol Lleol Caerdydd
Jill Swift – Gastroenterolegydd Ymgynghorol, Ysbyty Llandochau, Caerdydd
Dr Lindsay Morgan – Grŵp Cymorth Gwirfoddol Lleol Abertawe
Tristan Humphreys – Arweinydd cangen Cymru o Coeliac UK
2. Cyfarfodydd blaenorol y Grŵp ers y Cyfarfod Blynyddol diwethaf.
Cyfarfod 1.
Dyddiad: 4 Tachwedd 2015
Yn bresennol: Aled Roberts AC; Jackie Radford; Henry Wilkins (cynrychiolydd grŵp Caerfyrddin); Lindsay Morgan (cynrychiolydd grŵp Abertawe); Jeff Cuthbert AC; Mike Hedges AC; Carol Carpenter (cynrychiolydd grŵp Clwyd); Jead Dowding (cynrychiolydd grŵp Caerdydd); Lisa Bainbridge (Coeliac UK); Sarah Sleet (Coeliac UK); Rhun ap Iorwerth AC; Dr. Geraint Preest; Graham Philips (cynrychiolydd grŵp Abertawe).
Crynodeb o’r materion a drafodwyd:
· Y wybodaeth ddiweddaraf am hynt y fenter Gwarant dim Glwten- rhoddodd Prif Weithredwr Coeliac UK, Sarah Sleet, wybodaeth am y fenter Gwarant dim Glwten. Gwnaed llawer o gynnydd, ond bydd Coeliac UK yn parhau i adolygu’r ymgyrch. Cafwyd trafodaeth ynghylch yr her o annog rhagor o siopau i fod yn rhan o’r ymgyrch.
Camau i’w cymryd:
Cytunodd yr Aelodau Cynulliad a oedd yn bresennol i ystyried cyflwyno datganiad
o farn ar y cyd i annog siopau llai i werthu rhagor o nwyddau heb glwten.
· Gorfodi a labelu- cafwyd trafodaeth ynghylch labeli Gwarant dim Glwten yng Nghymru a chyfeiriwyd at achrediad Coeliac UK ac effaith arfaethedig y ddeddfwriaeth UE a ddaw i rym ar 14 Rhagfyr 2014.
Camau i’w cymryd:
Cytunwyd i anfon llythyr at y Byrddau Iechyd Lleol i holi sut y maent yn mynd
ati i restru alergenau mewn ysbytai a sut y byddant yn addasu i’r newidiadau ar
ôl mis Rhagfyr 2014.
·
Darpariaeth well mewn ysgolion – Cafwyd trafodaeth ynghylch y ddarpariaeth mewn ysgolion, gan
gynnwys hyfforddiant a chyfrifoldeb. Trafodwyd safoni’r ddeddfwriaeth yn ymwneud ag ysgolion ac ysbytai
a'r ymchwiliad a gynhaliodd Pwyllgor Cyfrifon Cyhoeddus y Cynulliad i Arlwyo
mewn Ysbytai yn dilyn Adroddiad Swyddfa Archwilio Cymru. Ystyriwyd hefyd y
cyfleoedd a gaiff eu creu yn sgil y Bil Iechyd y Cyhoedd (Cymru) arfaethedig.
Camau i’w cymryd: Coeliac UK i adolygu'r cynigion ar gyfer gwelliannau posibl a
chynhyrchu pecyn i ysgolion Cymru yn benodol.
· Ymgyrch Diagnosis- Tynnodd Coeliac UK sylw at yr ymgyrch arfaethedig i ennyn diddordeb y cyhoedd mewn pecyn hunanasesu clefyd seliag yn seiliedig ar ganllawiau NICE ar adnabod ac asesu.
Camau i’w cymryd: AR/JR i holi'r Gweinidog neu Wasanaeth Ymchwil y Cynulliad ynghylch defnyddio Infomatica ym meddygfeydd Cymru.
· Meysydd cyfrifoldeb- Cytunodd Aelodau'r Cynulliad i ysgwyddo meysydd cyfrifoldeb penodol a chaiff hyn ei gadarnhau yn y cyfarfod nesaf.
-----
Cyfarfod 2.
Dyddiad y cyfarfod: 24 Chwefror 2015
Yn bresennol: Aled Roberts (Cadeirydd); Jackie Radford (Ysgrifennydd); Jeff Cuthbert AC; Dr. Geraint Preest (Golygydd Clinigol Meddygon Teulu – y BMJ - Archwilio); Dr. Jill Swift (Gastroenterolegydd – Caerdydd a’r Fro); Lindsey Dr Morgan (cynrychiolydd grŵp Abertawe); Dr Dai Lloyd (cynrychiolydd grŵp Abertawe); Norma McGough (Cyfarwyddwr Polisi, Ymchwil ac Ymgyrchoedd-Coeliac UK); Lisa Bainbridge (Rheolwr Ymgyrchoedd -Coeliac UK); Tristan Humphreys (Arweinydd cangen Cymru o Coeliac UK); Jean Dowding (cynrychiolydd grŵp Caerdydd); Graham Phillips (cynrychiolydd grŵp Abertawe).
Crynodeb o’r materion a drafodwyd:
· Meysydd cyfrifoldeb- Cadarnhaodd y grŵp feysydd cyfrifoldeb pob Aelod Cynulliad yn y grŵp.
·
Llythyr at y Byrddau Iechyd Lleol- Cytunwyd ar destun y llythyr i’w anfon at y Byrddau Iechyd Lleol.
Camau i’w cymryd: Llythyr gan y Cadeirydd at bob Bwrdd Iechyd Lleol.
· Y Bil Rheoleiddio ac Arolygu – Gallai’r Bil Rheoleiddio ac Arolygu (Cymru) newydd gyfeirio at hyfforddiant i ddarparu bwydydd heb glwten, a chytunwyd y dylid archwilio’r Bil i weld beth sydd wedi'i gynnwys ynddo.
Camau i’w cymryd: Jackie Radford i archwilio’r Bil Rheoleiddio ac Arolygu (Cymru) i weld a yw’n cyfeirio at faterion yn ymwneud â chlefyd seliag a darparu bwydydd heb glwten.
· Papur trafod y Llwybr- Cafwyd trafodaeth ar y papur a gyflwynwyd gan ganolbwyntio ar y gwersi posibl i’w dysgu o’r cynllun arbrofol a gynhaliwyd yn yr Alban i roi bwydydd heb glwten ar bresgripsiwn. Camau i’w cymryd: Coeliac UK a Jackie Radford i ddrafftio llythyr at y Gweinidog Iechyd yn holi am roi bwydydd heb glwten ar bresgripsiwn yng Nghymru.
·
Meddalwedd archwilio’r BMJ – Cafwyd cyflwyniad ar feddalwedd archwilio
newydd roedd y BMJ yn ei datblygu i helpu meddygon teulu benderfynu a oedd claf
yn dioddef o glefyd seliag ai peidio a’r posibilrwydd o ehangu’r defnydd o’r
feddalwedd.
Camau i’w cymryd: Dr Preest i adrodd yn ôl yn y cyfarfod nesaf ar y trefniadau
angenrheidiol i ehangu’r defnydd o’r feddalwedd yn ddiogel.
·
Ymgyrch diagnosis – rhoddodd Coeliac UK y
wybodaeth ddiweddaraf am lansio’r ymgyrch newydd a'r penderfyniad i gynnal digwyddiad
lansio yn y Senedd ar 12.05.15.
Camau i’w cymryd: Tristan Humphreys i gydweithio ag Aled Roberts i drefnu’r
digwyddiad lansio yn y Cynulliad.
---
Cyfarfod 3.
Dyddiad y cyfarfod: 12 Mai 2015
Yn bresennol: Aled Roberts AC (Cadeirydd); Jackie Radford (Ysgrifennydd); Jean Dowding (cynrychiolydd grŵp Caerdydd); Tristan Humphreys (arweinydd cangen Cymru o Coeliac UK); Norma McGough (Cyfarwyddwr Polisi, Ymchwil ac Ymgyrchoedd Coeliac UK); Geraint Preest (Golygydd Clinigol Meddygon Teulu – y BMJ - Archwilio); Dr. Jill Swift (Gastroenterolegydd – Caerdydd a’r Fro); Ajay Kenth (Rheolwr Datblygu Cwmseriaid Newydd - y BMJ; Henry Wilkins (cynrychiolydd grŵp Sir Gaerfyrddin); Bronwen Wilkins (cynrychiolydd grŵp Sir Gaerfyrddin); Lindsey Dr Morgan (cynrychiolydd grŵp Abertawe); Rhun ap Iorwerth AC; Graham Phillips (cynrychiolydd grŵp Abertawe); Mike Hedges AC; Jeff Cuthbert AC; Bil Hyde (cynrychiolydd grŵp Sir Gaerfyrddin); Kathy Hyde (cynrychiolydd grŵp Caerfyrddin).
Crynodeb o’r materion a drafodwyd:
· Bil Rheoleiddio ac Arolygu (Cymru)- cafwyd adroddiad gan Jackie Radford ar y Bil Rheoleiddio ac Arolygu (Cymru) a’i effeithiau posibl ar y rhai sydd â chlefyd seliag.
Camau i’w cymryd: Jackie Radford i rannu casgliadau’r Gwasanaeth Ymchwil gyda Tristan Humphreys a chysylltu ag ef i benderfynu a oes angen archwilio’r Bil ymhellach
·
Llythyrau at y Byrddau Iechyd Lleol
Roedd dau Fwrdd Iechyd Lleol wedi ymateb i lythyr cynharach y Cadeirydd ynghylch
gweithdrefnau’n ymwneud ag alergenau. Camau i’w cymryd: Jackie
Radford i anfon ymatebion y Byrddau Iechyd Lleol at Tristan Humphreys i gael cyngor
ychwanegol.
· Y wybodaeth ddiweddaraf am feddalwedd y BMJ – Cyflwynodd Ajay Kenth o’r BMJ y feddalwedd gan esbonio’r camau nesaf yn y broses o ehangu’r defnydd ohoni.
Camau i’w cymryd: Dr Jill Swift i wneud ymholiadau ar ran y grŵp a gwahodd Dr Chris Jones neu rywun tebyg i drafod effeithiau posibl y feddalwedd ar ofal eilaidd.
·
Y wybodaeth ddiweddaraf am lansio ymgyrch
'Ai clefyd seliag sydd arna’ i ? '- Cafwyd
adroddiad gan Tristan Humphreys ar y digwyddiad lansio a soniodd am y
cynlluniau i gynnal digwyddiad yng nghanol dinas Caerdydd yn ddiweddarach yn
ystod y flwyddyn.
Cam i’w gymryd: Tristan Humphreys i gysylltu â Swyddfa Rhun Ap Iorwerth i
sicrhau brandio dwyieithog yn y digwyddiad.
Cyfarfod 4.
Dyddiad y cyfarfod: 15 Hydref 2015
Yn bresennol: Aled Roberts AC (Cadeirydd); Jackie Radford (Ysgrifennydd); Tristan Humphreys (Arweinydd cangen Cymru o Coeliac UK); Norma McGough (Cyfarwyddwr Polisi, Ymchwil ac Ymgyrchoedd Coeliac UK); Henry Wilkins (cynrychiolydd grŵp Sir Gaerfyrddin); Bronwen Wilkins (cynrychiolydd grŵp Sir Gaerfyrddin); Carol Carpenter (cynrychiolydd grŵp Clwyd); Heather Stephen (cynrychiolydd grŵp Clwyd).
Crynodeb o’r materion a drafodwyd:
· Cyfarfod cyffredinol blynyddol - etholwyd swyddogion yn unol â rheolau'r grwpiau trawsbleidiol.
· Cyfarfod rhwng yr Is-bwyllgor a Dr John Green- cafwyd adroddiad ar y cyfarfod rhwng yr is-bwyllgor a Dr John Green ynghylch gwasanaethau gastroenteroleg yng Nghymru. Camau i’w cymryd: Jackie Radford i wahodd y Gweinidog Iechyd i gyfarfod nesaf y grŵp trawsbleidiol i drafod y materion a godwyd
· Bwydydd heb glwten ar bresgripsiwn - Cyflwynodd Norma McGough a Tristan Humphreys bapur ar fwydydd heb glwten ar bresgripsiwn yng Nghymru. Camau i’w cymryd: Tristan Humphreys i adrodd yn ôl ar oblygiadau Bil Iechyd y Cyhoedd (Cymru) o safbwynt gwasanaethau fferyllol a rhannu casgliadau adolygiad yr Alban o’r Gwasanaeth Bwyd heb Glwten â'r grŵp.
· Meddalwedd y BMJ - dywedodd Tristan Humphreys wrth y grŵp fod y feddalwedd yn barod i'w lansio yn ystod y misoedd nesaf yn dilyn proses ymgysylltu â meddygon teulu ar hyd a lled y wlad.
· Ymgyrch diagnosis - cafwyd adroddiad gan Tristan Humphreys ar ffigurau diweddaraf yr ymgyrch gan gynnwys cynlluniau ar gyfer y flwyddyn nesaf.
· Canllawiau i ysgolion – mae canllawiau Cymru gyfan ar gyfer 'mynediad i addysg a chymorth i blant a phobl ifanc ag anghenion meddygol' yn cael eu diweddaru ddiwedd y flwyddyn. Camau i’w cymryd: Tristan Humphreys i gysylltu â'r grŵp ynghylch dyddiadau’r ymgynghoriad.
· Adroddiad etifeddiaeth- Cytunwyd y dylai’r grŵp ddechrau gweithio ar ei adroddiad etifeddiaeth i sicrhau y gellid adeiladu ar waith y grŵp ar ôl yr etholiad.
3. Lobïwyr proffesiynol, sefydliadau gwirfoddol ac elusennau y mae’r Grŵp wedi cyfarfod â nhw yn ystod y flwyddyn flaenorol.